MIRËSEERDHËT NË PORTALIN TONË www.topiliriaradio.com             Ose këtu:

Lajmet   Ekonomi   Mirëmëngjes   Shpalosim Fate   Top 20 Shqip   Europian Top 20   Kaffe Llafe  Urimet dhe Përshëndetjet   Një këngë për ty   Forumi   Libri i vizitorëve   Kontakti	Nje termet mesatar ka goditur rreth ores 14.45 minuta Kosoven. Me fuqishem eshte ndjere ne rrafshin e Dukagjinit, veqanerisht ne Gjakove, Deçan dhe Peje. Nuk njoftohet per deme apo viktima. Eksperte te Institutit Sizmiologjik te Kosoves kane dalur ne terren dhe pas pak do te dalin me nje komunikate zyrtare dhe te dhena konkrete. Komisioni për Mbikëqyrjen e Forcës së Sigurisë së Kosovës, kërkoi të mërkurën që udhëheqësit e kësaj force, të zgjidhin problemet e krijuara ditët e fundit, në raportet me misionin e NATO-s në Kosovë.Anëtarët e Komisionit parlamentar u takuan me drejtuesit e FSK-së, ministrin Fehmi Mujota dhe gjeneralin Sylejman Selimi. Ata kanë inkurajuar FSK-në për tejkalimin e problemeve midis kësaj force dhe KFOR-it. Kryeministri slloven, Borut Pahor thotë se ka nisur një të dërguar në Zagreb dhe Beograd me qëllim të zgjidhjes së kontestit rreth pjesëmarrjes së Kosovës në konferencën për Ballkanin Perëndimor.Konferenca, e cila është planifikuar më 20 mars në Slloveni, është në pikëpyetje sepse Serbia kundërshton që Kosova të përfaqësohet si shtet i pavarur. Kryeministri i Kosovës, Hashim Thaçi, ka gjasa se shumë shpejt do të duhet të largojë nga qeveria e tij një ministër, për të cilin zyrtarë ndërkombëtarë madje i kanë dhënë dosje për keqpërdorime.Ministri, që burimet thonë se është i fuqishëm politikisht dhe vjen nga një dikaster i rëndësishëm i qeverisë Thaçi, dyshohet për përvetësimin e dhjetëra milionë eurove, ndërsa kërkesa për shkarkimin e këtij ministri i është bërë drejtpërdrejt kryeministrit Hashim Thaçi, javën e kaluar. Prishtina zyrtare ka kërkuar hapjen e vendkalimeve të reja kufitare me Maqedoninë, edhe atë dy pikat kufitare, në pjesën kufitare Debëllde – Tanushë si dhe Stançiç-Bellanoc.Kjo kërkesë e bërë i është dorëzuar Ministrisë së Jashtme të Maqedonisë nga ana e të ngarkuarit me punë në ambasadën e Kosovës në Shkup, Skender Durmishi. Serbia në asnjë mënyrë nuk mund të bëhet anëtare e BE pa njohjen e pavarësisë së Kosovës. Kështu ka deklaruar sekretari belg i Shtetit për çështje evropiane Olivier Chastel. Beogradi duhet të jetë i vetëdijshëm se partnerë të tij në çështjen ne anëtarësimit në BE nuk është Komisioni Evropian por 27 vendet anëtare të Bashkimit Evropian 22 prej të cilave tashmë e kanë njohur pavarësinë e Kosovës, ka thënë Chastel. Serbia mund të bashkëpunojë me Kosovën, ndërsa kjo nuk do të thotë njohje të pavarësisë së Kosovës, dhe si shembull të shërbejnë marrëdhëniet e Gjermanisë së dikurshme Perëndimore dhe Lindore, ka thënë ambasadori britanik në Beograd Stephen Wordsworth.	Kryeministri malazez Milo Djukanovic ka kritikuar ashpër Serbinë, duke e akuzuar se ka për qëllim ta paraqesë Malin e Zi si “shtet kriminal”. Në një intervistë për TV malazez Djukanovic ka thënë se Beogradi synon ta komprometojë shtetin malazez dhe të tregojë se Mali i Zi nuk ka kapacitete juridike që të jetë shtet i pavarur. I ati mbërriti në Itali si klandestin, u dëbua e më pas u kthye sërish me dokumente të rregullta dhe leje qëndrimi. Ajo, Edlira Mamutaj, 23 vjeçe, e diplomuar për gazetari është tashmë zëdhënësja e Lega Nord në Toskana, partia e ekstremit të djathtë, që shpesh herë sulmon emigrantët. Bashkimi Evropian duhet të dëshmojë se është në gjendje të ndihmojë reformat në vendet fqinje, nga Bjellorusia në Marok, nëse dëshiron që të merret seriozisht si lojtar global, deklaroi Catherine Ashton.Shefja e diplomacisë evropiane gjatë një paraqitje në Parlamentin Evropian theksoi se edhe në Ballkan Bashkimi Evropian duhet të këmbëngulë për reforma politike. Kryeministri malazez, Milo Djukanovic planifikon të tërhiqet gjatë mandatit të kësaj Qeverie, por nuk saktësoi se kur do të ndodhë kjo.Djukanovic mohon se tërheqja e tij është iniciuar nga trysnitë e bashkësisë ndërkombëtare, duke theksuar se atë askush nga ai nuk e kërkon. Junta ushtarake në Birmani ka miratuar një ligj të ri me të cilin udhëheqësja e opozitës Aung San Suu Kyi përjashtohet të marrë pjesë në zgjedhjet parlamentare të planifikuara për këtë vit. Sipas ligjit, personat e dënuar nga një gjykatë nuk mund të hyjnë në asnjë parti politike. Një datë për zhvillimin e zgjedhjeve ende nuk është caktuar. Prania e trupave të huaja në Afganistan nuk është një zgjidhje për paqen, deklaroi presidenti iranian, Mahmoud Ahmadinejad.Pas takimit me homologun e tij afgan, Ahmadinejad theksoi se Shtetet e Bashkuara po bënin një lojë të dyfishtë në Afganistan, duke luftuar terrorizmin, që ata e ndihmuan të krijohej. Presidenti indonezian, Susilo Bambang Yudhoyono, ka konfirmuar se forcat e sigurisë të vendit kanë vrarë një nga planfikuesit kryesorë të bombave në Bali në vitin 2002. Ai tha se personi me emrin Dulmatin, ishte një nga tre militantët islamikë të dyshuar, të cilët u vranë në kryeqytetin Xhakarta ditën e martë. Pas zëvendëspresidentit amerikan Joe Biden, edhe sekretari i përgjithshëm i OKB-së Ban Ki-moon ka dënuar planet e ndërtimeve të reja izraelite në Jerusalemin Lindor.Ndërtimi i 1.600 banesave të tjera në Ramat dhe Schlomo shkel të drejtat ndërkombëtare dhe pengon zhvillimin e procesit të paqes në Lindjen e Afërt, tha një zëdhënës i Banit.